ပထမဆုံး ကြက်သားကို ဆား၊ ဆနွင်း နယ်ပြီး ရေစပ်စပ်နဲ့ ပြုတ်ပါတယ်။ ရေခမ်းသွားတော့ မီးဖိုပေါ်ကချ အအေးခံပြီး အသားတွေ နွှင်ထားပါတယ်။ ခရမ်းချဉ်သီးကို မထူမပါးလေးတွေ လှီးထားတယ်။
နောက် ကြက်သွန် အဖြူ၊ အနီ နဲ့ ငရုပ်သီးမှုန့် ကို ဆီသတ်၊ ကြက်သား၊ ခရမ်းချဉ်သီးတွေ ထည့်ပြီး ကြက်သားဟင်း ချက်ပါတယ်။ အရသာ အတွက် ဆား၊ အချိုမှုန့် နဲ့ ငံပြာရည် ကို သင့်သလို ထည့်ပါတယ်။
ကြက်သားဟင်း
မုန့်ညင်းချဉ် (ကြံမဆိုင်) အရိုး နဲ့ အရွက် ကို ခပ်သေးသေး လေးတွေ ဖြစ်အောင် လှီးပါတယ်။ မြေပဲလှော်ကို အခွံချွတ် ၊ ကျွတ်ကျွတ်အိတ် တခုထဲထည့်ပြီး တော်တော်လေးကြေသွားအောင် ပုလင်းနဲ့ ထုတယ်။ နံနံပင် နဲနဲကို လဲ ကတ်ကြေးနဲ့ ညှပ်ထား လိုက်တယ်။
မုန့်ညင်းချဉ်၊ နံနံပင် နဲ့ မြေပဲလှော်
ခေါက်ဆွဲဖတ် အတွက် Wai Wai Rice Stick ကို သုံးပါတယ်။ ရှမ်းခေါက်ဆွဲ နဲ့ သိပ်အတူကြီး မဟုတ်ပေမဲ့ စားရတာ သိပ်မဆိုးဘူးလို့ ထင်ပါတယ်။
Wai Wai Rice Stick
Rice stick တွေကို ရေအေးနဲ့ စိမ်ထားပြီး နဲနဲပျော့သွားတော့ ပွက်ပွက်ဆူနေတဲ့ ရေနွေးထဲမှာ ခဏလေး ပြုတ်လိုက်ပါတယ်။ ခေါက်ဆွဲတွေ တအား မပျော့သွားခင် မီးဖိုပေါ်ကချပြီး ရေစစ်ထားလိုက်တယ်။
စားခါနီးကျမှ ပန်းကန်ထဲကို ခေါက်ဆွဲဖတ်ထည့် ၊ ကြက်သားဟင်းထည့်ပြီး ခုနက လှီးထားတဲ့ မုန့်ညင်းချဉ် ထည့်ပါတယ်။ မြေပဲလှော် နဲ့ နံနံပင် ဖြူးလိုက်တော့ ပုံထဲကအတိုင်း ရှမ်းခေါက်ဆွဲ တပွဲ ဖြစ်လာပါတယ်။ တကယ်က နှစ်ပွဲပါ၊ တပွဲပုံကိုပဲ ရိုက်ထားမိတာ။
No comments:
Post a Comment